29/04/2024

શૈક્ષણિક દાન મહાદાન

આજના સમયમાં જોવા જઈએ તો મોટી સંખ્યામાં એવા લોકો મળશે, જે પોતાના સ્વાર્થ માટે દોડી રહ્યા છે અને કામ કરી રહ્યા છે. પણ આવા સમયમાં કેટલાક વ્યક્તિ એવા પણ છે જે નિસ્વાર્થભાવે લોકોની મદદ કરી રહ્યા છે અને શૈક્ષણિક રીતે વિદ્યાર્થીઓને સક્ષમ બનવામાં મદદ કરી રહ્યા છે.

શ્રી મોટી વાવડી ગામના મૂળવતની અને હાલ અમદાવાદ ખાતે રહેતા શ્રી ભૂપેશભાઈ કૃષ્ણદાસભાઈ કોરડીયા દ્વારા પોતાના જન્મભૂમિ અને પોતે જે શાળામાં અભ્યાસ કર્યો તે પ્રાથમિક શાળાના બાળકોના શૈક્ષણીક વિકાસ માટે શાળાને અંકે રૂપિયા:- 84,252 નો સ્માર્ટકલાસ અને શાળાના વિદ્યાર્થીનીઓની સુરક્ષા-સલામતી, શાળા પરિસર અને ભૌતિક સુવિધાની સલામતી અર્થે અંકે રૂપિયા:- 1,27,469 ના શાળામાં કુલ 16 CCTV કેમેરા રૂપે દાન-ભેટ સ્વરૂપે આપવામાં આવ્યા હતા. આમ કુલ મળીને શાળાને અંકે રૂપિયા:- 2,11,721 નું દાન-ભેટ સાધન સામગ્રીરૂપે મળેલ છે, આ શૈક્ષણીક દાન સમર્ગ શાળા પરિવારના શૈક્ષણીક કાર્ય અને સહ-શૈક્ષણીક કાર્ય કરવાના જુસ્સામાં ખૂબ ફળદાયી સાબિત થશે. જે બદલ શાળા પરિવાર અને શાળા વ્યવસ્થાપન સમિતિ (SMC) તેમનો હમેશા માટે ખૂબ આભારી રહેશે.

શાળા પરિવારને અમૂલ્ય દાન-ભેટ આપનાર
દાતાશ્રી ભૂપેશભાઈ કૃષ્ણદાસભાઈ કોરડીયા

65" સ્માર્ટ કલાસ/પેનલ

16 CCTV કેમેરા

પ્રજ્ઞા એક્ટીવીટી, બાળવાટીકા વર્ગ પ્રવૃતિઓ

શાળામાં ચાલુ માસ દરમિયાન પ્રજ્ઞા વર્ગ માં ભાષા સજજતાની અને ગણિત વિષયની એકટીવીટી કરવામાં આવી હતી. શાળાના પ્રજ્ઞા શિક્ષકશ્રી અલ્પાબેન ગોવાણી દ્વારા પ્રજ્ઞા અભિગમ દ્વારા ગુજરાતી અને ગણિત શિક્ષણ માં નિચે મુજબ ની એકટીવીટી કરવામાં આવેલ હતી સાથોસાથ બાળવાટિકા ના વર્ગમાં અભ્યાસ કરતાં બાળકો પણે પણ વિવિધ પ્રવૃતિઓ દ્વારા ગમ્મત સાથે જ્ઞાન પીરસવામાં આવ્યું હતું.

બાળ વાટીકા અને ધોરણ ૧ પ્રવેશપાત્ર બાળકોનો સર્વે વર્ષ ૨૦૨૪-૨૫

વર્ષ ૨૦૨૪-૨૫ માટે બાળ વાટીકા અને ધોરણ ૧ માં પ્રવેશપાત્ર બાળકો માટેનો સર્વે હાથ ધરવામાં આવ્યો હતો. શાળાના શિક્ષકો દ્વારા ગ્રામ્ય વિસ્તાર ના વિવિધ મહોલ્લા, શેરી અને સોસાયટી વિસ્તારમાં DOOR TO DOOR સર્વે હાથ ધરવામાં આવ્યો હતો .

શાળા બહારના બાળકોનો સર્વે વર્ષ ૨૦૨૪-૨૫

શાળા કક્ષાએ શાળા બહારના ૬ થી ૧૪ વર્ષના બાળકોનો સર્વે હાથ ધરવામાં આવ્યો હતો. શાળા બહારના બાળકોના સર્વેમાં શાળાના તમામ શિક્ષકો દ્વારા ગામના વિવિધ વિસ્તારમાં સર્વે હાથ ધરવામાં આવ્યો હતો અને કુલ ૩ શાળા બહારના બાળકો મળી આવ્યા હતા. આ ૬ થી ૧૪ વર્ષના બાળકો કદી શાળાએ ગયેલા હતા નહીં. આ બાળકને આગામી શૈક્ષણિક વર્ષથી શાળામાં દાખલ કરવા માટેની પ્રક્રિયાના ભાગરૂપે તેમની વિગત બ્લોક કક્ષાએ આપવામાં આવી હતી.

MDM

શાળામાં બાળકો ને સંતુલીત અને પોષ્ટીક આહાર મળી રહે તે માટે શાળા માં મધ્યાહન ભોજન નિયમિત આપવામાં આવે છે.

23/04/2024

મતદાન જાગૃતિ કાર્યક્રમ:-

લોકશાહીનો મહાપર્વ લોકસભા સામાન્ય ચુંટણી 2024 ના અવસર નિમિત્તે આપ આપના સગા-સંબંધી ,મિત્રો, આડોશી-પાડોશી સહિત વહેલા-વહેલા બુથ પર પધારી 100 ટકા મતદાન કરી વિશ્વની સૌથી મોટી લોકશાહીના અવસરમાં અભિવૃધ્ધિ કરશોજી....